साहित्यिक पत्रकार संघ र अमेरिका नेपाल साहित्य प्रतिष्ठानले पूर्व प्रधानमन्त्री के. पी. शर्मा ओलीज्यूको प्रमुख आतिथ्यतामा आयोजना गरेको समारोहमा कवि मीना श्रेष्ठको दोस्रो कविताकृति “फर्गेट एस्टर्डे”को लोकार्पण गर्यो ।
साहित्यिक पत्रकार संघका अध्यक्ष राधेश्याम लेकाली तथा अमेरिका नेपाल साहित्य प्रतिष्ठानका अध्यक्ष गोविन्द गिरी प्रेरणा को संयुक्त अध्यक्षतामा सम्पन्न भएको थियो ।
कवि मीना श्रेष्ठको कविताकृति “फर्गेट एस्टर्डे” माथि वरिष्ठ साहित्यकार अशेष मल्ल र साहित्यकार बबिता बस्नेतले समीक्षात्मक मन्तव्य राख्नु भएको थियो । सोही कार्यक्रममा लेखक शान्ता चौधरीले आफ्नो मन्तव्यसहित लोकार्पित कृतिभित्रको कविता “म शान्ता चौधरी” वाचन गर्नु भएको थियो ।
यस्तै कार्यक्रममा कवि एवं पत्रकार ठाकुर बेलवासे र कवि सुमित्रा सुमीले विमोचित कृति भित्रका एकएक ओटा कविता वाचन गर्नु भएको थियो ।
