फर्की आऊ शान्ति तिमी
फर्की आऊ शान्ति तिमी
लालीगुराँस भन्छन् ।
फर्की आऊ शान्ति भन्दै
डाँफे मुनाल रुन्छन्
फर्की आऊ शान्ति तिमी ......
पाप लाग्ला शान्ति तिमीलाई
बाबु बुद्धको ।
श्राप लाग्ला शान्ति तिमीलाई
जन्मभूभिको ।
फर्की आऊ शान्ति तिमी होइन भने
बात लाग्ला आउने पिँढीको ।
फर्की आऊ शान्ति तिमी .....
पुछिएका सिउँदोहरू
तिम्रै बाटो हेर्छन् ।
असहाय–टुहुरा पनि
तिम्रै काख खोज्छन्
फर्की आऊ शान्ति तिमी होइन भने
आँसु लाग्ला नेपाल आमाको
फर्की आऊ शान्ति तिमी
लालीगुराँस भन्छन् ।
फर्की आऊ शान्ति भन्दै
डाँफेमुनाल रुन्छन् ।
फर्की आऊ....
००
